රාජකාරියේ නිරත පොලිස් නිලධාරීන්ට රුපියල් 20,000ක අල්ලසක් ලබාදීමට තැත් කළ පුද්ගලයන් දෙදෙනෙකු මාතර – තිහගොඩ දී අත්අඩංගුවට ගෙන තිබෙනවා.
දක්ෂිණ අධිවේගී මාර්ගයේ ඉදිකිරීම් කටයුතු සඳහා භාවිතා කරන යන්ත්‍ර සූත්‍රවලින් ඉන්ධන ලබාගෙන ටිපර් රථයකින් ප්‍රවාහනය කරන බවට ලද තොරතුරකට අනුවයි පොලීසිය පරීක්ෂාවක් සිදු කරනු ලැබුවේ ඊයේ දිනයේයි.
පසුව ටිපර් රථය තිහගොඩ පොලිස් ස්ථානයට රැගෙන යමින් තිබියදී එහි සිටි දෙදෙනා විසින් පොලිස් නිලධාරීන්ට අල්ලස් ලබාදීමට තැත් කර තිබෙනවා.
එම සැකකරුවන් සමඟ ඩීසල් ලීටර් 400ක් අඩංගු කෑන් 20ක් සහ ඉන්ධන පිරවීමට උපයෝගී කර ගන්නා මෝටරයක් මෙන්ම තවත් හිස් කෑන් 40ක් ද පොලිස් භාරයට ගනු ලැබුවා.
