ජාතික පොලිස් කොමිෂන් සභාවේ අනුමැතිය පරිදි පොලිස් නිලධාරින් 15 දෙනෙකු වහාම ක්‍රියාත්මක වන පරිදි මාරු කර යවා තිබෙනවා.
ඒ අනුව, කොළඹ උතුර කොට්ඨාශයේ සහකාර පොලිස් අධිකාරිවරයා මාරු කර යවා ඇත්තේ පොලිස් විශේෂ කාර්යාංශය වෙතයි.
මොනරාගල, බෙන්තොට, වේයන්ගොඩ, හම්බෙගමුව, දඹගල්ල යන පොලිස් ස්ථානාධිපතිවරුන්ට ද මෙහිදී ස්ථානමාරු වීම් ලබාදී තිබෙනවා.
මෙතෙක් දඹගල්ල සහ බෝගහකුඹුර පොලිස් ස්ථානවල වැඩබලන ස්ථානාධිපතිවරුන් ලෙස කටයුතු කළ පොලිස් පරීක්ෂකවරුන් එහි ස්ථානාධිපතිවරුන් ලෙස පත් කර ඇති අතර, හම්බෙගමුව පොලීසියට නව ස්ථානාධිපතිවරයෙකු පත් කර ඇති බවයි පොලිස් මූලස්ථානය ප්‍රකාශ කළේ. 
