අද උදෑසන සිදුකළ විශේෂ මෙහෙයුමකින් වරෙන්තුකරුවන් ඇතුලු පුද්ගලයන් 2879 ක් අත්අඩංගුවට ගත් බව පොලිසිය පවසනවා.
දිවයිනේ සියලු පොලිස් වසම් ආවරණය වන පරිදි සිදු කළ මෙහෙයුමේ දී රථ වාහන නඩු 7516 ක් ද ලබාගත් බවයි පොලිසිය නිවේදනය කළේ.
අද අලුයම 4 සිට උදෑසන 8 දක්වා මෙම මෙහෙයුම සිදුකර ඇත්තේ පොලිස්පතිවරයාගේ උපදෙස් අනුවයි.
එහිදී බීමත්ව රිය පැදවූ පුද්ගලයන් 266 ක් වරෙන්තුකරුවන් 1031 ක්, විවිධ අපරාධවලට සම්බන්ධ 800 ක්, හෙරොයින් – වෙනත් මත්ද‍්‍රව්‍ය සහ නීති විරෝධී මත්පැන් සම්බන්ධයෙන් 667 ක් ද අත්අඩංගුවට ගෙන තිබෙනවා.
බලපත්‍ර නොමැතිව වැලි ගොඩදැමීම් සහ වෙනත් දුෂණ ක්‍රියා සම්බන්ධයෙන් 112 දෙනෙකු අත්අඩංගුවට ගෙන ඇති අතර බලපත්‍ර නොමැති ගිනි අවි සමග පුද්ගලයන් 3 දෙනෙකු ද අත්අඩංගුවට ගත් බවයි පොලිසිය සඳහන් කළේ.
