දැනට පවතින දැඩි උණුසුම් කාලගුණයත් සමඟ ප්‍රදේශ රැසක වනාන්තර ගිනි වාර්තා වනවා.
පොල්පිතිගම රක්ෂිතයේ ඊයේ ඇති වූ එවැනි ගින්නක් මැඬ පැවැත්වීම සඳහා පොලීසිය, ප්‍රදේශවාසීන් සහ කුරුණෑගල ගිනි නිවීමේ ඒකකය එක්වුණා.
ගින්නෙන් කිසිවෙකුටත් හානියක් සිදුනොවූව ද අක්කර 10ක පමණ වනාන්තර ප්‍රදේශයක් ගින්නෙන් විනාශ වී තිබෙනවා.
මේ අතර, බුත්තල – බුදුගල්ලෙන රක්ෂිතයේ ඊයේ පස්වරුවේ ඇති වූ ගින්නක් නිවා දැමීම සඳහා පොලීසිය, ප්‍රදේශවාසීන් හා යුද හමුදා නිලධාරීන් ද අඩවි වන නිලධාරීන්ගේ සහය ඇතිව ක්‍රියාත්මක වූ බවයි පොලිස් මාධ්‍ය ප්‍රකාශක කාර්යාලය ප්‍රකාශ කළේ.
කෙසේ නමුත් ගින්න තවදුරටත් පවතින බව සඳහන්.
