පුත්තලම දිස්ත්‍රික්කයේ ජලය රැදී පවතින ප්‍රදේශ හරහා ගමන් කිරීමෙන් වළකින ලෙස ආපදා කළමනාකරණ මධ්‍යස්ථානය ජනතාවට දැනුම් දෙනවා.
එලෙස ගමන් කිරීමට ගොස් අනතුරට ලක් වූ පුද්ගලයින් 8 දෙනෙකු පමණ පසුගිය දින කිහිපයේදී මුදා ගත් බවයි එම මධ්‍යස්ථානයේ පුත්තලම් දිස්ත්‍රික් සහකාර අධ්‍යක්ෂ ඒ.එම්.ආර්.එන්.කේ. අලහකෝන් ප්‍රකාශ කළේ.
අයහපත් කාලගුණය නිසා දංකොටුව – නාත්තන්ඩිය සහ නාත්තන්ඩිය – කුලියාපිටිය මාර්ග තවදුරටත් ජලයෙන් යටවී තිබෙනවා.
එසේම, නාත්තන්ඩිය සහ වෙන්නප්පුව ප්‍රාදේශීය ලේකම් කොට්ඨාශවල ඇතැම් ප්‍රදේශ තවදුරටත් ජලයෙන් යටවී ඇති බවයි දිස්ත්‍රික් සහකාර අධ්‍යක්ෂවරයා කියා සිටියේ.
