හතර වන වරටත් රුසියාවේ නායකත්වයට පත්වූ ජනාධිපති ව්ලැදිමීර් පුටින් වෙත ලෝක නායකයන්ගෙන් සුබ පැතුම් ලැබෙමින් පවතින බව විදෙස් වාර්තා සඳහන් කළා.
කෙසේ නමුත්, බටහිර රටවල නායකයන් ජනාධිපති පුටින් තවත් 6 වසරක් සඳහා ජනපති ධුරයට පත්වීම පිළිබදව නිහඬ ප්‍රතිචාරයක් දක්වන බව සඳහන්.
චීන ජනාධිපති ෂී – ජින්පින්, ජනාධිපති පුටින් වෙත සුබ පැතුම් පණිවුඩයක් එක් කරමින් සඳහන් කළේ චීනය හා රුසියාව දැන් ඉතිහාසයේ ශක්තිමත්ම සබඳතාවකින් බැදී සිටින බවයි.
කසක්ස්ථානය, බෙලෝරුස් ජනරජය, වෙනිසියුලාව, බොලීවියාව සහ කියුබාව යන රටවල නායකයන් ද ජනපති පුටින් වෙත සුබ පැතුම් එක් කර තිබෙනවා.
