පොලිස්පතිවරයාගේ උපදෙස් මත දිවයිනම ආවරණය වන පරිදි සිදුකළ පැය 4ක මෙහෙයුමකදී වරෙන්තුකරුවන් 950 දෙනෙකු ඇතුළු පුද්ගලයින් 3876 දෙනෙකු අත්අඩංගුවට ගෙන තිබෙනවා.
ඒ අතර බීමත් රියදුරන් 904 දෙනෙකු හා මත්ද්‍රව්‍ය වැරදි සම්බන්ධයෙන් පුද්ගලයින් 1033 දෙනෙකු වන බවයි පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර කියා සිටියේ.
ඊයේ රාත්‍රී 11 ත් අද අලූයම 3 ත් අතර කාලය තුළ සිදුකළ මෙම මෙහෙයුමේදී රථ වාහන වැරදි සම්බන්ධයෙන් 5022 දෙනෙකුට නඩු පවරා තිබෙනවා.
බලපත්‍ර නොමැති ගිනි අවි ළග තබාගත් පුද්ගලයන් 5 දෙනෙකු ද අත්අඩංගුවට පත්වූ පිරිස අතර වනවා.
මෙහෙයුම සඳහා එක්වූ පොලිස් නිලධාරීන්ගේ සංඛ්‍යාව 18453 ක්.
