පානදුර, කෙළින්වීථිය ප්‍රදේශයේ පිහිටි වෙළඳසැල් හතරක් හදිසි ගින්නකින් විනාශවී තිබෙනවා.
ඊයේ (25) රාත්‍රි 09 ට පමණ මෙම ගින්න හටගෙන ඇති බවයි පානදුර දකුණු පොලිසිය සඳහන් කළේ.
ගින්නෙන් ගොඩනැගිලි ද්‍රව්‍ය අලෙවි සැල් තුනක් සහ රෙදි පිලි අලෙවි සැලක් විනාශවී තිබෙනවා.
ගින්නෙන් ජීවිත හානි කිසිවක් වාර්තාවී නොමැති අතර ගින්නට හේතුව මෙතෙක් අනාවරණය වී නැහැ.
මේ අතර ගම්පහ, මීගමුව සහ කැළණිය යන ප්‍රදේශවල සිදුකළ විශේෂ මෙහෙයුමකදී වරෙන්තුකරුවන් 179 දෙනෙකු ඊයේ (25) අත්අඩංගුවට ගෙන තිබෙනවා.
මොවුන් අතර අධිකරණය මඟහරිමින් සිටි පුද්ගලයින් 127 දෙනෙකු වන බවයි පොලිස් මාධ්‍ය ප්‍රකාශක කාර්යාලය සඳහන් කළේ.
බස්නාහිර පළාත උතුර දිසාව භාර නියෝජ්‍ය පොලිස්පතිවරයාගේ මෙහෙයවීමෙනුයි මෙම විශේෂ මෙහෙයුම සිදුකර ඇත්තේ.
