විදේශ ගතව සිටිමින් ශ්‍රී ලංකාව තුළ අපරාධ සහ මත්ද්‍රව්‍ය ජාවාරම් මෙහෙයවන පාතාල සාමාජිකයින්ගේ සංවිධාන ජාලය මැඩලීම සඳහා මේ වනවිට පොලීසිය සහ විශේෂ කාර්ය බලකාය මෙහෙයුමක් ආරම්භ කර තිබෙනවා.
ඒ රට තුළ ක්‍රියාත්මක සංවිධානාත්මක අපරාධ සහ මත් ජාවාරම් වැටලීමේ මෙහෙයුම අතරතුරයි.
ඊට අදාළව කොළඹ සහ තදාසන්න ප්‍රදේශවල විශේෂ ජංගම සංචාර ද ක්‍රියාත්මක අතර පොලීසිය සහ විශේෂ කාර්ය බලකායේ සිවිල් ඇඳුමින් සැරසුණු නිලධාරින් ද මෙහෙයුමට එක්ව සිටිනවා.
මෙම මෙහෙයුමට සමගාමීව පාතාල නායක මාකඳුරේ මධූෂ් සමඟ එක්ව සිටින ප්‍රබල පාතාල සාමාජිකයෙකු ලෙස සැලකෙන කෙසෙල්වත්තේ දිනුකගේ සිව් මහල් නිවස ද ඊයේ පොලිස් විශේෂ කාර්ය බලකාය පරීක්ෂාවට ලක් කළා.
ඔහු ඩුබායි සිට කොළඹ ඇතුළු ප්‍රදේශ කිහිපයක අපරාධ මෙහෙයවා ඇති බවට තොරතුරු අනාවරණ වී ඇති අතර, නිවසේ තිබී ජීව උණ්ඩ තොගයක් ද පොලීසිය සොයා ගත්තා.
එසේම, සැකකරුවන් දෙදෙනෙකු සහ සැකකාරියක අත්අඩංගුවට ගැණුනු අතර, සැකකාරිය කෙසෙල්වත්තේ දිනුකගේ පුංචි අම්මා බවයි පොලිස් විශේෂ කාර්ය බලකාය සඳහන් කළේ.
