ප්‍රවීන ගායක සහ සංගීතඥ අයිවෝ ඩෙනිස් වයස අවුරුදු 86ක්ව සිටියදී අද අභාවප්‍රාප්ත වුණා.
සීදුවේ පිහිටි ඔහුගේ නිවසේදී අයිවෝ ඩෙනිස්, සිය දිවි මඩළෙන් සමු ගත් බවයි ගායක, ගායිකාවන්ගේ සංගමයේ සභාපති කීර්ති පැස්කුවෙල් සඳහන් කළේ.
1950 දශකයේ සිට සිංහල සංගීතයට, සිංහල ජන ගී ආර එක් කළ සුනිල් ශාන්තයන්ගෙන් ගුරුහරුකම් ලැබූ අයිවෝ ඩෙනිස්, ඔහුගේ ගීත වත්මන් පරපුරට දායක කළ සංගීත ශිල්පියායි.
චිත්‍රපට කිහිපයකටම සංගීතයෙන් දායක වී ඇති අයිවෝ ඩෙනිස් සිංහල සංගීතයේ පරම්පරා 3ක් නියෝජනය කළ ගායකයෙකු ලෙස හැදින්විය හැකි වනවා.
අයිවෝ ඩෙනිස් ශූරීන්ගේ දේහය පිළිබඳ අවසන් කටයුතු එළඹෙන බදාදා සිදුකිරීමට නියමිතයි.
