අත්අඩංගුවට ගත් කාන්තාවකගෙන් ලද තොරතුරු මත කළුතර – පලාතොට ප්‍රදේශයේ නිවසක තිබී රිවෝල්වරයක් සහ පතොරොම් 5ක් පොලීසිය සොයාගෙන තිබෙනවා.
පසුගිය 21 වන දා බණ්ඩාරගම – ගල්තුඩේ පාලම අසළ දී කේරළ ගංජා තොගයක් ප්‍රවාහනය කරමින් සිටි මෝටර් රථයක් සමඟ මෙම කාන්තාව ඇතුළු 3 දෙනෙකු අත්අඩංගුවට ගැනුණා.
එම කාන්තාවකගෙන් කරන ලද ප්‍රශ්න කිරීම්වලදී අනාවරණ වී ඇත්තේ මෙම මෝටර් රථය මේ මස පළමු වන දා කළුතර ප්‍රදේශයේ වෙඩි තැබීමේ සිද්ධියකට ද සම්බන්ධ බවටයි.
එමෙන්ම අත්අඩංගුවට ගත් පිරිස සතුව තිබූ ජංගම දුරකථනයක් සහ සටහන් පොත් දෙකක් ද පොලිස් භාරයට ගෙන තිබෙනවා.
