ශ්‍රී ලංකා නීතීඥ සංගමයේ අද පැවති නිලවරණයේ නිල නොවන ප්‍රතිඵලවලට අනුව සභාපති ධුරයට තරග කළ ජනාධිපති නීතීඥ කලිංග ඉන්දතිස්ස සහ ලේකම් ධුරයට ඉදිරිපත්වූ නීතිඥ කෞෂල්‍ය නවරත්න ඉදිරියෙන් පසුවන බව එහි සභාපති යූ.ආර්. ද සිල්වා ප්‍රකාශ කළා.
පෙරවරු 7.30 සිට පස්වරු පහ දක්වා මධ්‍යස්ථාන 83 කදී ඡන්ද විමසීම පැවැත්වුණු අතර, ජනාධිපති නීතීඥ කලිංග ඉන්දතිස්ස සමඟ නීතීඥ සංගමයේ සභාපති ධුරයට ජ්‍යෙෂ්ඨ නීතිඥ මහින්ද ලොකුගේ තරග කළා.
නීතිඥ කෞෂල්‍ය නවරත්න සමඟ එහි ලේකම් ධුරයට තරග කළේ නීතිඥ සමන් වැලිඅංගේයි.
