රත්නපුර – තුන්අදහේන ප්‍රදේශයේදී බෝර 12 ගිනි අවියක් සමඟ පුද්ගලයෙකු පොලිස් විශේෂ කාර්ය බලකාය අත්අඩංගුවට ගෙන තිබෙනවා.
කහවත්ත පොලිස් විශේෂ කාර්ය බලකා කඳවුරේ නිලධාරීන්ට ලද තොරතුරකට අනුව ඊයේ සිදුකළ වැටලීමකදී එම ගිනි අවිය සමඟ බෝර 12 සජීවී පතොරම් උණ්ඩ දෙකක් සොයාගෙන ඇති බවයි පොලිස් මාධ්‍ය ප්‍රකාශක කාර්යාලය සඳහන් කළේ.
එහිදී අත්අඩංගුවට ගත් 23 හැවිරිදි එම ප්‍රදේශයේම පදිංචි සැකකරු රත්නපුර පොලීසියට භාරදී ඇති අතර, ඔහු අද, රත්නපුර මහේස්ත්‍රාත් අධිකරණයට ඉදිරිපත් කිරීමට නියමිතයි.
