පාර්ලිමේන්තුවේ නව සැසි වාරය ආරම්භවීමට නියමිත ලබන 14 වනදාට පෙර කැබිනට් අමාත්‍ය ධුර පත්කර අවසන් කිරීමට කටයුතු කරන බව සම කැබිනට් ප්‍රකාශක, අමාත්‍ය මහින්ද සමරසිංහ ප්‍රකාශ කළා.
ඔහු මේ බව කියා සිටියේ රජයේ ප්‍රවෘත්ති දෙපාර්තමේන්තුවේ අද (07) පෙරවරුවේ පැවති කැබිනට් තීරණ දැනුම්දීමේ මාධ්‍ය හමුවට එක්වෙමින්.
මේ වන විට කැබිනට් අමාත්‍යවරුන් 17දෙනෙකු සහ රාජ්‍ය සහ නියෝජ්‍ය අමාත්‍යවරුන් 09 දෙනෙකු බැගින් පත් කර තිබෙනවා.
ඒ අනුව ඉතිරි කැබිනට් අමාත්‍යවරුන් 13 දෙනා ලබන 14 වන දිනට පෙර පත් කරන බවයි අමාත්‍ය මහින්ද සමරසිංහ ප්‍රකාශ කළේ.
