ඉදිරි මහමැතිවරණය සඳහා නිර්මාණය කරන නව සන්ධානයේ නායකත්වය ජනාධිපති මෛත්‍රීපාල සිරිසේන වෙත හිමි වන බව ශ්‍රී ලංකා නිදහස් පක්ෂ මහලේකම් මහාචාර්ය රෝහණ ලක්ෂ්මන් පියදාස ප්‍රකාශ කළා.
ඔහු මේ බව කියා සිටියේ කොළඹ අද කැදවා තිබූ මාධ්‍ය හමුවකට එක්වෙමින්.
මේ අතර චෝදනා නොමැති දේශපාලන සිරකරුවන් නිදහස් කිරීමට ජනාධිපති මෛත්‍රීපාල සිරිසේන මහතා තීරණය කර ඇතැයි රෝහණ ලක්ෂ්මන් පියදාස මහතා සඳහන් කළා.
ඊයේ පැවති පක්ෂ මධ්‍යම කාරක සභා රැස්වීමේ ගනු ලැබූ තීරණය සම්බන්ධයෙන්ද පක්ෂ මහලේකම්වරයා මෙහිදී අදහස් පළ කළා.
මේ අතර ඊයේ පස්වරුවේ ශ්‍රී ලංකා නිදහස් පක්ෂ මධ්‍යම කාරක සභා රැස්වීම පක්ෂ සභාපති ජනාධිපති මෛත්‍රීපාල සිරිසේන මහතාගේ ප්‍රධානත්වයෙන්
පැවැත්වුණා.
මේ අතර ශ්‍රී ලංකා නිදහස් පක්ෂ මධ්‍යම කාරක සභා රැස්වීමට සහභාගි නොවීම සම්බන්ධයෙන් එම පක්ෂයේ අනුශාසක හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මියගෙන් මාධ්‍යවේදීන් ප්‍රශ්න කළා.
