ධනංජය ද සිල්වාගේ පියාගේ රත්මලානේ පිහිටි නිවසට සතියක කාලයක් සඳහා පොලිස් ආරක්ෂාව ලබාදී ඇති බව පොලිසිය පවසනවා.
ධනංජය ද සිල්වාගේ සොයුරා වන සචිත්‍ර ද සිල්වා ප්‍රකාශකර ඇත්තේ තමාට ද තර්ජන පවතින බවයි.
මේ හේතුවෙන් නිවසට ආරක්ෂාව ලබාදීමට පියවර ගෙන ඇති බවයි පොලිස් මාධ්‍ය ප්‍රකාශකවරයා කියාසිටියේ.
මේ අතර ක්‍රිකට් ක්‍රීඩක ධනංජය ද සිල්වාගේ පියා වන රංජන් සිල්වා ඝාතනයට අදාළ පරීක්ෂණ අපරාධ පරීක්ෂණ දෙපාර්තමේන්තුවට භාරදී තිබෙනවා.
ඒ පොලිස්පති පූජිත් ජයසුන්දර විසින්.
එම පරීක්ෂණවලට අමතරව මිරිහාම විශේෂ අපරාධ මෙහෙයුම් ඒකකය ඇතුලුව තවත් විශේෂ ඒකක කිහිපයක් මගින් ද මෙම විමර්ශණවලට සහය ලබාදෙන බවයි පොලිසිය සඳහන් කළේ.
සිද්ධිය සම්බන්ධයෙන් සැකකරුවන් දෙදෙනෙකු පසුගියදා අගුලාන ප්‍රදේශයේදී අත්අඩංගුවට ගත්තේ පොලිස් විශේෂ කාර්ය බලකාය මගින්.
