වෙඩි වැදීමෙන් තුවාල ලබා ප්‍රතිකාර ලබමින් සිටින කලාවැව ජාතික උද්‍යානයේ ඇත් පන්තියේ සිටින දීගදන්තු එක දළ ඇතා දින කිහිපයක සිට කලා වැවෙන් අතුරුදන් වී ඇති බවට වාර්තා වනවා.
අවුරුදු 25ත්, 30ත් අතර වයසේ පසුවන දීගදන්තු වැඩි සංචාරක ආකර්ශනය දිනා ගත් දළ ඇතෙක්.
මීට මාසයකට පමණ ඉහත දී වෙඩි වැදීමකින් ඇතාගේ ඉදිරි වම් පාදයට තුවාල සිදුවුණා.
පසුගිය 18 වන දා වනජීවි පශු වෛද්‍ය කණ්ඩායමක් මෙම දළ ඇතාට ප්‍රතිකාර කිරීම ආරම්භ කළ අතර, දින කිහිපයක සිට ඇතා අතුරුදන් වී ඇති බවටයි වනජීවි නිලධාරීන් සඳහන් කළේ.
කෙසේ වෙතත්, දීගදන්තු එක දළ ඇතා සොයා මේ වන විට විශේෂ මෙහෙයුමක් වනජීවි නිලධාරීන් ආරම්භ කර තිබෙනවා.
