දිවයිනේ බොහෝ ප්‍රදේශවලට පස්වරු කාලයේදී ගිගුරුම් සහිත වැසි ඇතිවීමේ හැකියාවේ තරමක වැඩිවීමක් අපේක්ෂා කරන බව කාලගුණ විද්‍යා දෙපාර්තමේන්තුව පවසනවා.
වැසි ඇති වන විට තද සුළං මෙන්ම අකුණු අනතුරු ද සිදුවිය හැකි බැවින් ඒ සම්බන්ධයෙන් අවදානයෙන් පසුවන ලෙසයි එම දෙපාර්තමේන්තුව ජනතාවට දැනුම් දෙන්නේ.
එමෙන්ම මධ්‍යම, ඌව, සබරගමුව, උතුරුමැද සහ වයඹ පළාත්වල මෙන්ම මන්නාරම දිස්ත්‍රික්කයේ ද මිලිමීටර් 100ක පමණ තද වැසි ඇති විය හැකි බව කාලගුණ විද්‍යා දෙපාර්තමේන්තුව නිකුත් කළ නවතම නිවේදනයේ සඳහන්.
