රාජ්‍ය දැව සංස්ථාවේ හිටපු සභාපති, හිටපු පාර්ලිමේන්තු මන්ත්‍රී අනුරුද්ධ පොල්ගම්පොළ අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන තිබෙනවා.
ඊයේ රාත්‍රියේ මොහු අත්අඩංගුවට ගත් බවයි එම දෙපාර්තමේන්තු ආරංචි මාර්ග සදහන් කළේ.
උතුරු දුම්රිය මාර්ගය ඉදිකිරීමේදී බොරලූ පස් සැපයීම සදහා රුපියල් අසූලක්ෂයක මුදලක් ලබාගෙන එම මුදල් වංචා කිරීමේ සිද්ධියක් සම්බන්ධයෙන් මොහුට එරෙහිව චෝදනා එල්ල වී තිබුණා.
ඊට අදාළව පැවති නඩුවකට අධිකරණයෙන් වරෙන්තු නිකුත් කර තිබූ අතර අධිකරණය හමුවේ පෙනී නොසිටීමේ චෝදනාව මතයි මෙම අත්අඩංගුවට ගැනීම සිදුකර ඇත්තේ.
