දළදා මාලිගාව ඉදිරිපිටින් අපජලය ගෙන යාම සදහා නළ එලීමට ජාතික ජල සම්පාදන මණ්ඩලය කපා තිබූ කාණු කිහිපයක් ප්‍රදේශයේ බෞද්ධ සංවිධාන වල නියෝජිතයින් පිරිසකගේ සහ ප්‍රදේශවාසීන්ගේ සහය ඇතිව යළි ගොඩකර තිබෙනවා.
ඔවුන් පවසන්නේ මේ හේතුවෙන් මාලිගාව ඉදිරිපිට ඇති වලාකුළු බැම්මට සහ අසල තිබෙන විශාල ගස්වලට ද හානි සිදුවිය හැකි බවයි.
ඊයේ රාත්‍රියේ මෙම වලවල් කපා ඇති අතර, අද පෙරවරුවේ එම ස්ථානයට පැමිණි බෞද්ධ සංවිධාන නියෝජිතයින් සහ ප්‍රදේශවාසීන් එම කාණු ගොඩකළ බවයි අප වාර්තාකරු සදහන් කළේ.
