මහියංගනය – පදියතලාව ප්‍රධාන මාර්ගයේ දඹාන 91 වැනි කිලෝමීටර් කණුව ආසන්නයේදී වෑන් රථයක් මාර්ගයෙන් ඉවතට පැන සිදුවූ අනතුරකින් පුද්ගලයෙකු මිය ගොස් තවත් 7 දෙනෙකු තුවාල ලබා තිබෙනවා.
මෙලෙස අනතුරට ලක්වී ඇත්තේ විනෝද චාරිකාවක් ගොස් නැවත එමින් සිටි පිරිසක් වන අතර, තුවාල ලැබූවන් මහියංගනය මූලික රෝහලේ ප්‍රතිකාර ලබන බවයි පොලීසිය සඳහන් කළේ.
ත්‍රිරෝද රථයක් පසුකර යාමට උත්සාහ කිරීමේදී අනතුර සිදුවී තිබෙනවා.
තුවාල ලැබූවන් අතර කාන්තාවන් 4 දෙනෙකු ද සිටින අතර, මිය ගිය වෑන් රථයේ රියදුරු 46 හැවිරිදි හසලක – පල්ලෙවත්ත – කොටිකාපොළලන්ද ප්‍රදේශයේ පදිංචිකරුවෙක්.
