ශ්‍රී ලංකාව සහ දකුණු අප්‍රිකාව අතර, තුන්වන එක්දින තරගය අද ඩර්බන් හිදී පැවැත්වෙනවා.
මෙතෙක් පැවති තරග දෙකම ජයගෙන තරගාවලියේ දෙකට බින්දුවක් ලෙස ඉදිරියෙන් සිටින්නේ දකුණු අප්‍රිකානු කණ්ඩායමයි.
තරගාවලියේ රැඳී සිටීම සඳහා ශ්‍රී ලංකා පිල අද තරගය ජයග්‍රහණය කළ යුතු වනවා. ශ්‍රී ලංකාව සහ දකුණු අප්‍රිකාව සමඟ පැවති අවසන් එක්දින තරග හතෙන්ම ශ්‍රී ලංකාව පරාජයට පත්වූ අතර, අවසන් වරට ඔවුන්ට එරෙහි ජයග්‍රහණයක් වාර්තාවන්නේ 2012 වසරෙන්.
ලසිත් මාලිංග නායකත්වයට පත්වීමෙන් පසු ශ්‍රී ලංකාව මුහුණදුන් එක්දින තරග 5 ම පරාජයට පත්වූ අතර, මෙම තරගාවලියම පරාජය වුවහොත් ශ්‍රී ලංකාවට ලෝක කුසලාන තරගාවලියට පිවිසීමට සිදුවන්නේ මේ වසරේදී ලැබූ කිසිදු එක්දින ජයග්‍රහණයකින් තොරවයි.
