සංචාරක එංගලන්ත පිල සමඟ පැවැත්වීමට නියමිත තුන් වන ටෙස්ට් තරඟය සඳහා අකිල ධනංජය සහභාගි නොවන බව කණ්ඩායම් පුහුණුකරු චන්දික හතුරුසිංහ පවසනවා.
ඒ, පන්දු යැවීමේ ඉරියව්ව සම්බන්ධයෙන් ඔහු ජාත්‍යන්තර ක්‍රිකට් කවුන්සිලය හමුවේ පරීක්ෂණයකට ඉදිරි දින කිහිපයේ යොමුවීම හේතුවෙන්.
දිනේෂ් චන්දිමාල් ද තුන්වන ටෙස්ට් තරඟය සඳහා සහභාගි වීම සම්බන්ධයෙන් හෙට පැවැත්වෙන ශාරීරික යෝග්‍යතා පරීක්ෂණයෙන් අනතුරුව ප්‍රකාශ කළ හැකි බවයි කණ්ඩායම් පුහුණුකරු චන්දික හතුරුසිංහ කියා සිටියේ.
ඔහු මේ බව සඳහන් කළේ මහනුවර – පල්ලෙකැළේ ජාත්‍යන්තර ක්‍රිකට් ක්‍රීඩාංගණයේ අද අවසන් වූ දෙවන ටෙස්ට් තරඟයෙන් අනතුරුව පැවති මාධ්‍ය හමුවට එක්වෙමින්.
දෙවන ටෙස්ට් තරඟය එංගලන්ත පිළ අද ලකුණු 57කින් ජයග්‍රහණය කරමින් තරගාවලියේ ජය හිමි කර ගත්තා.
ශ්‍රී ලංකා – එංගලන්ත තුන්වන ටෙස්ට් තරඟය නොවැම්බර් 23 වැනි දා කොළඹ එස්.එස්.සී. ක්‍රීඩාංගණයේදී ආරම්භවීමට නියමිතයි.
