දේශපාලන තීන්දුවක් ගැනීම සදහා ඒකාබද්ධ විපක්ෂයේ නායකයන් අද හිටපු ජනාධිපති මහින්ද රාජපක්ෂගේ ප්‍රධානත්වයෙන් ඔහුගේ විජේරාම නිල නිවසේදී රැස්වීමට නියමිතයි.
සාකච්ඡාව සදහා ආණ්ඩුවෙන් ඉවත් වූ ශ්‍රී ලංකා නිදහස් පක්ෂයේ 15 කණ්ඩායම ද එක්වන බවයි වාර්තා වුණේ.
මේ අතර, රුපියලේ අගය සීඝ්‍රයෙන් පහළ යමින් පවතින්නේ වත්මන් ආණ්ඩුවේ නොහැකියාව හේතුවෙන් බව හිටපු ජනාධිපති මහින්ද රාජපක්ෂ ප්‍රකාශ කළා.
නාරාහේන්පිට – අභයාරාම විහාරස්ථානයේ අද පැවති උත්සවයකින් අනතුරුව මාධ්‍යවේදීන් නැගූ ප්‍රශ්නයකට පිළිතුරු ලබාදෙමින් හිටපු ජනාධිපතිවරයා ඉහළ දැමුණු ඉන්ධන මිල සම්බන්ධයෙන් ද අදහස් පළ කළා.
