තිළිණ ගමගේටත් ඇප කොන්දේසි ලිහිල් වෙයි 
බලපත‍්‍රයක් නොමැතිව නීතිවිරෝධී ලෙස අලි පැටවකු ළඟ තබා ගැනීම සම්බන්ධයෙන් අධිකරණයට බාරවීමෙන් පසු වැඩතහනමකට ලක්වී සිටින කොළඹ හිටපු අතිරේක මහෙස්ත‍්‍රාත් තිළිණ ගමගේ මහතාට ඇප ලබාදීමේදී මසකට වරක් අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස පනවා තිබු ඇප කොන්දේසිය ලිහිල් කළ කොළඹ මහාධිකරණ විනිසුරු මනිලාල් වෛද්‍යතිලක මහතා මාස දෙකකට වරක් අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස අද (23) නියෝග කර තිබේ.
හිටපු අතිරේක මහෙස්ත‍්‍රාත් තිළිණ ගමගේ මහතා අපරාධ පරීක්ෂණ දෙපාර්තමේන්තුව හමුවේ වාර්තා කිරීමට යන අවස්ථාවලදී ඔහු අතිරේක මහෙස්ත‍්‍රාත්වරයකු ලෙස සේවය කරන සමයේදී ඇප ලබාදුන් සැකකරුවන්ද ඇප කොන්දේසින්ට අනුව රහස් පොලිසිය හමුවේ වාර්තා කිරීමට පැමිණෙන බව දැනුම් දෙමින් නීතීඥ අජිත් පතිරණ මහතා කළ ඉල්ලීමක් සළකා බැලූ විනිසුරුවරයා එලෙස ඇප කොන්දේසි ලිහිල් කර ඇත.
කොළඹ හිටපු අතිරේක මහෙස්ත‍්‍රාත් තිළිණ ගමගේ මහතාගේ ඇප කොන්දේසි ලිහිල් කළ දෙවැනි අවස්ථාව මෙය වේ.
