හැටන්,කිරිමැටියාන ප්‍රදේශයේදී ත්‍රි රෝද රථයක් මාර්ගයෙන් ඉවතට පැන පෙරලීයාමෙන් සිදුවූ අනතුරකින් මෙවර උසස් පෙළ විභාගයට පෙනී සිටින සිසුන් තිදෙනෙකු තුවාල ලබා තිබෙනවා.
ඔවුන් අද (09) උදෑසන විභාගයට පෙනි සිටීම සදහා පාසැල වෙත යමින් සිටියදීයි මේ අනතුරට ලක්ව ඇත්තේ.
තුවාල ලැබු සිසුන් තිදෙනා තුවාල සහිතවම උසස් පෙළ විභාගයට පෙනී සිට ඇති අතර පසුව ඔවුන් ප්‍රතිකාර සඳහා නාවලපිටිය මුලික රෝහලට ඇතුලත් කර තිබෙනවා.
මෙලෙස අනතුරින් තුවාල ලැබූ එක් සිසුවෙක් ප්‍රතිකාර ලබා රෝහලෙන් පිටව ගොස් ඇති අතර අනෙක් සිසුන් දෙදෙනා තව දුරටත් රෝහලේ ප්‍රතිකාර ලබන බවයි රෝහල් ප්‍රකාශකයෙකු පවසා සිටියේ.
අනතුර සම්බන්ධයෙන් නාවලපිටිය පොලීසිය වැඩිදුර පරීක්ෂණ සිදුකරනවා.
(ඡායාරූප – හැටන් චන්දන ජයවීර )
