ගුවන් හමුදා කැඩෙට් නිලධාරීන් අධිකාරියට පත් කිරීමේ සහ ආධුනිකයන් විසිරයාමේ පෙළපාලියක් ශ්‍රී ලංකා ගුවන් හමුදා චීන වරාය විද්‍යාපීඨයේදී පැවැත්වුනා.
පෙළපාලියේ අණදෙන්නා ලෙසට විංග් කමාන්ඩර් රොෂාන් ගුණවර්ධන කටයුතු කළ අතර මෙහිදී කෙඩෙට් නිලධාරී පාඨමාලා සම්පූර්ණ කළ නිලධාරීන් සහ නිලධාරිනියන් 31 දෙනෙකු අධිකාරියට පත් කර තිබෙනවා.
පියාසර කැඩෙට් නිලධාරී පාඨමාලාව හැදෑරූ ගුවන් නියමුවන් 6 දෙනෙකුට පියාසර ලාංඡන පැළඳවීම ද මෙහිදී සිදු කෙරුනා.
ආධුනික ගුවන් භට පාඨමාලා හැදෑරූ ගුවන් භටයින් සහ ගුවන් කාන්තාවන් 656 දෙනෙකු මෙහිදී විසිර ගිය අතර සුවිශේෂී දක්ෂතා දැක්වූ නිලධාරීන්ට විශේෂ සම්මාන ද ප්‍රදානය කළ බවයි ගුවන් හමුදාව සඳහන් කළේ.
මෙහිදී ගුවන් කරනම් සංදර්ශණයක්, පැරෂුට් සංදර්ශණයක් මෙන්ම සරඹ සංදර්ශණයක් ද පැවැත්වුනා.
