2019 ලෝක කුසලාන තරඟාවලියෙන් පසු එක්දින ජාත්‍යන්තර තරඟ වලින් සමුගැනීමට සූදානම් බව දකුණු අප්‍රිකානු පිලේ වේග පන්දු යවන ක්‍රීඩක ඩේල් ස්ටේන් පවසනවා.
ශ්‍රී ලංකාව සමඟ පැවති ටෙස්ට් තරඟාවලියේදී ඔහුට දස්කම් දැක්වීමට හැකිවූයේ නැහැ.
ශ්‍රී ලංකාවේ තණතිලි තම පිලට අභියෝගයක් වූ බවයි ඔහු සඳහන් කළේ.
ශ්‍රී ලංකාව සමඟ පැවැත්වෙන එක්දින තරඟාවලිය සඳහා ඩේල් ස්ටේන් තෝරාගෙන නැහැ.
කෙසේ නමුත්, 2019 ලෝක කුසලාන තරඟාවලිය තම අවසන් ඉලක්කය වන අතර, දකුණු අප්‍රිකාවට ලෝක කුසලානය ජයග්‍රහණය කර දීම තම අපේක්ෂාව බවත්, ඩේල් ස්ටේන් කියා සිටියා.
ඔහු මේ වනවිට ටෙස්ට් තරඟ 88 කදී කඩුලූ 421 ක් බිඳ හෙලා ඇති අතර, එක්දින තරඟ 116 කදී බිඳ හෙලා ඇති කඩුලූ සංඛ්‍යාව 180 ක්.
