ඇමරිකානු ජනාධිපති ඩොනල්ඩ් ට්‍රම්ප් සිය අයවැය යෝජනා එරට මහජන කොංග්‍රසය හමුවට ඉදිරිපත් කළ අතර, එමගින් එරට දුප්පතුන්ට ලබාදී තිබූ සහන රැසක් ඉවත් කර ඇති බව වාර්තා වනවා.
ඒ අනුව දුප්පත් ඇමරිකානුවන්ට ලබාදී තිබූ ආහාර මුද්දර, සෞඛ්‍ය රක්ෂණය මෙන්ම නිවාස සහනාධාර ද කප්පාදු කර ඇති බව සඳහන්.
විද්‍යාත්මක පර්යේෂණ ආදීය සඳහා වන වියදම් ද කපා හැර ඇති අතර අන්තර්ජාතික ගගන මධ්‍යස්ථානය සඳහා ඇමරිකානු දායකත්වය අවම කිරීමටයි ජනාධිපති ට්‍රම්ප් යෝජනා කර ඇත්තේ. ඒ වෙනුවට එය පෞද්ගලීකරණය කළ යුතු බව ඔහුගේ අදහසයි.
