බටහිර සහ මධ්‍යම ජපානයේ පවතින දැඩි වර්ෂාවත් සමග ඇති වූ ජල ගැලීම්වලින් දැනට පුද්ගලයින් 27 දෙනෙකු ජීවිතක්ෂයට පත්වී තිබෙනවා.
තවත් 47 දෙනෙකු අතුරුදන් වී ඇති අතර පුද්ගලයින් 5 දෙනෙකු බරපතල තුවාල ලබා ඇති බවයි විදෙස් වාර්තා පෙන්වා දෙන්නේ.
මෙම ආපදා තත්ත්වයත් සමග මිලියන 1.6ක පිරිසක් සිය නිවාසවලින් ඉවත් කර ඇතැයි ද සදහන්.
ජපාන කාලගුණ විද්‍යා බලධාරින් අනතුරු අඟවන්නේ මෙම ජල ගැලීම් සමග ඉදිරියේදී නායයාම් සහ දැඩි සුළං ද ඇතිවිය හැකි බවටයි.
මේ අතර, ආපදා තත්ත්වයත් සමග තවත් මිලියන 3.1 කට සිය නිවාස වලින් ඉවත් වන ලෙසට ද ජපාන බලධාරින් අනතුරු අගවා ඇතැයි ද විදෙස් වාර්තා තවදුරටත් ප්‍රකාශ කළා.
