ගුවන් ගමන් වාර කිහිපයක් අදත් ප්‍රමාදයි

අද (04) දින කටුනායක ගුවන් තොටුපොළෙන් පිටත්ව යාමට නියමිතව ඇති ගුවන් ගමන් වාර 03ක් ප්‍රමාද වන බව ගුවන්තොටුපොළ නිවේදනය කරනවා.
ඒ අනුව අද උදෑසන 7.35ට ඉන්දියාවේ කොචින් බලා පිටත්ව යාමට නියමිතව තිබූ ශ්‍රී ලන්කන් ගුවන් සේවයට අයත් යූ.එල් – 165 දරණ ගුවන් යානය දහවල් 12.30ට පිටත්වන බවයි ගුවන්තොටුපොළ නිවේදනය කරන්නේ.
ඉන්දියාවේ චෙන්නායි බලා අද උදෑසන 8.35ට පිටත්ව යාමට නියමිතව තිබූ ශ්‍රී ලන්කන් ගුවන් සේවයේ යූ.එල් – 129 දරණ ගුවන් යානය උදෑසන 10.10ට දක්වා ප්‍රමාද වන බවයි වාර්තා වන්නේ.
එමෙන්ම සෞදි අරාබියේ ජෙඩා බලා අද දහවල් 2.25ට පිටත්ව යාමට නියමිතව ඇති ශ්‍රී ලන්කන් ගුවන් සේවයට අයත් යූ.එල් – 281 යානය සවස 5.05 දක්වා ප්‍රමාදවන බවයි ගුවන්තොටුපොළ නිවේදනය කරන්නේ.
ඉන්දියාවට බලපා ඇති දූවිලි කුණාටුව හේතුවෙන් ඊයේ (03) දිනයේ ද ගුවන් ගමන් වාර කිහිපයක් ප්‍රමාද වුණා.