ශ්‍රී ලංකා ගමනාගමන මණ්ඩලයට අයත් අම්බලන්තොට, තංගල්ල සහ ගාල්ල යන ඩිපෝවල සේවකයින් මේ වනවිට වර්ජනයක් ආරම්භ කර තිබෙනවා.
මේ හේතුවෙන් අම්බලන්තොට සහ තංගල්ල යන ඩිපෝවල බස් රථ ධාවනය සම්පූර්ණයෙන්ම ඇණහිට ඇති අතර, ගාල්ල ඩිපෝවේද බස් රථ කිහිපයක් හැර අනෙකුත් බස් රථ ධාවනයෙන් ඉවත්ව ඇති බව සඳහන්.
රජයේ සේවකයින්ට ලබාදුන් රුපියල් දස දහසේ දීමනාව මූලික වැටුපට ඒකාබද්ධ කිරීම ඇතුළු ඉල්ලීම් කිහිපයක් මුල් කර ගනිමින් මෙම වර්ජනය ආරම්භ කළ බවයි එම ඩිපෝවලට අයත් වෘත්තීය සමිති පවසන්නේ.
