ආයුර්වේද සම්භාහන මධ්‍යස්ථාන මුවාවෙන් ගම්පහ දිස්ත්‍රික්කයේ පවත්වාගෙන ගිය ගණිකා නිවාස 17 ක් වටලා එහි සිටි 59 දෙනෙකු පොලීසිය අත්අඩංගුවට ගෙන තිබෙනවා.
ඊයේ දහවල් 12 සිට රාත්‍රි 8 දක්වා මෙම මෙහෙයුම සිදුකළ බවයි පොලිස් මාධ්‍ය ප්‍රකාශක කාර්යාලය සඳහන් කළේ.
එහිදී එම ගණිකා නිවාස කළමනාකරණයේ යෙදුණු පුද්ගලයින් 8 දෙනෙකු සහ කාන්තාවන් 40 දෙනෙකු මෙන්ම තවත් පිරිමි පුද්ගලයින් 9 දෙනෙකු අත්අඩංගුවට ගෙන තිබෙනවා.
මොවුන් අවුරුදු 19 ත් 45 ත් අතර වයස්වල පසුවන්නන් වන අතර, සැකකරුවන් අද අධිකරණයට ඉදිරිපත් කිරීමට නියමිතයි.
