කේරළ ගංජා කිලෝ ග්‍රෑම් හතරක් ප්‍රවාහනය කළ සැකකරුවන් දෙදෙනෙකු ඊයේ (24) දහවල් වවුනියාව පොලීසිය විසින් අත්අඩංගුවට ගෙන ඇති බව වාර්තා වනවා.
සැකකරුවන් යාපනය සිට කොළඹ බලා ධාවනය වූ බස් රථයකින් මෙලෙස ගංජා ප්‍රවාහනය කරන බවට ලද තොරතුරක් මත මෙම අත්අඩංගුවට ගැනීම සිදුකළ බවයි පොලිසිය පැවසූවේ.
සැකකරුවන් වවුනියාව බස් නැවතුම්පොළ අසලදී අත්අඩංගුවට ගෙන ඇති අතර ඔවුන් මහියංගනය ප්‍රදේ‍ශයේ පදිංචි 33 සහ 29 වන වියේ පසුවන්නන්.
අත්අඩංගුවට ගත් සැකකරුවන් වවුනියාව මහේස්ත්‍රාත් අධිකරණයට ඉදිරිපත් කිරීමට නියමිතව තිබූ අතර සිද්ධිය සම්බන්ධයෙන් වවුනියාව පොලිසිය වැඩිදුර පරීක්ෂණ පවත්වනු ලබනවා.
ඡායාරූප – වවුනියාව, මාධව කුලසූරිය
