රුපියල් එක්කෝටි පනස් අටලක්ෂ 18,775 ක් වටිනා ස්වර්ණාභරණ තොගයක් නීතිවිරෝධී අන්දමින් මෙරටට රැගෙන ආ පුද්ගලයෙකු කටුනායක ගුවන්තොටුපල රේගුව අත්අඩංගුවට ගෙන තිබෙනවා.
මෙලෙස අද අත්අඩංගුවට ගෙන ඇත්තේ 23 හැවිරිදි පුත්තලම ප්‍රදේශයේ පදිංචිකරුවෙකු වන අතර ඔහු වසර දෙකකට අධික කාලයක් ඩුබායි හි සේවය කර ඇති බවටයි අනාවරණ වී ඇත්තේ.
සැකකරු තම ගමන් මල්ලේ සගවාගෙන මේවා ශ්‍රී ලංකාවට රැගෙනවිත් ඇති අතර එම ස්වර්ණාභරණ තොගයේ බර කිලෝග්‍රෑම් 3 කට අධිකයි.
