අද පස්වරුවේ කොළඹ කොටුවෙන් පිටත්වන දුම්රිය කිහිපයක් ධාවනය වන බව දුම්රිය පාලක මැදිරිය පවසනවා.
ඒ අනුව එම දුම්රිය හලාවත, මහනුවර, රඹුක්කන, ගාල්ල, අවිස්සාවේල්ල සහ මහව දක්වා ධාවනය වනු ඇති.
හලාවත බලා යන දුම්රිය කොළඹ කොටුවෙන් පස්වරු 5.06 ට පිටත්වන අතර මහනුවර බලා ධාවනය වන දුම්රිය පස්වරු 4.30 ට පිටත්වීමට නියමිතව තිබුනා.
රඹුක්කන බලා දුම්රිය ධාවනය වන්නේ පස්වරු 5.15 ටයි.
ගාල්ල බලා පස්වරු 5.30 ට දුම්රියක් කොළඹ කොටුවෙන් පිටත්වන අතර 5.20 ට අවිස්සාවේල්ල බලා දුම්රියක් පිටත්ව යනවා.
මහව දුම්රිය කොළඹ කොටුවෙන් පිටත්වන්නේ පස්වරු 6.10 ටයි.
