කුලියාපිටිය හෙට්ටිපොල මාර්ගය ආසන්නයේ සිදුවූ අනතුරකින් බරපතල තුවාල ලැබූ යතුරුපැදිකරුවෙකු කොළඹ ජාතික රෝහලේ දැඩිසත්කාර ඒකකයට ඇතුලත් කර තිබෙනවා.
අනතුර සිදුවන්නේ පසුපසින් පැමිණි වෑන් රථයක් අදාළ යතුරුපැදියේ ගැටීමෙන්.
එහිදී වෑන් රථයේ ගැටුණු යතුරුපැදිය පෙරළී ගොස් එහි සිටි පැදිකරු බිම ඇදවැටෙන අතර ඔහුගේ සිරුර මතින් වෑන් රථයේ ඉදිරිපස රෝදයක් සහ පසුපස රෝදයක් ගම්න්කරනු ලබනවා.
අනතුර සම්බන්ධයෙන් අත්අඩංගුවට ගත් අදාළ වෑන් රථයේ රියදුරා අද කුලියාපිටිය මහේස්ත්‍රාත් රුවන් ධම්මික දිසානායක මහතා හමුවට ඉදිරිපත් කිරීමෙන් අනතුරුව දෙසැම්බර් 07 දක්වා රක්‍ෂිත බන්ධනාගාර ගතකරන ලෙසට නියෝග කළා.
සිද්ධියෙන් බරපතල තුවාල ලබා කොළඹ දැඩිසත්කාර ඒකකයේ මේවන විටත් ප්‍රථිකාර ලබන්නේ නිකවැරටිය ප්‍රදේශයේ පදිංචි 26 හැවිරිදි අයෙකු බවටයි වාර්තා වන්නේ.
කුලියාපිටිය පොලිසීයයි සිද්ධිය සම්බන්ධයෙන් වැඩිදුර විමර්ශන සිදුකරන්නේ.
