මහජනතාව සඳහා කාසි නිකුත් කිරීමේ කවුළුවක් කොළඹ ශ්‍රී ලංකා මහබැංකු මූලස්ථානයේ හෙට විවෘත වනවා.
රජයේ සහ බැංකු නිවාඩු හැර සතියේ බදාදා සහ බ්‍රහස්පතින්දා දිනවල පෙරවරු 9 සිට 11 දක්වා මෙම කවුළුව මහජනතාව සඳහා විවෘත වනු ඇති.
එක් අයෙකු වරෙකට අවම වශයෙන් එක් මුහුණත වටිනාකමක් සහිත කාසි 100ක පැකට්ටුවක් මිලදී ගත යුතු අතර, රුපියල, රුපියල් දෙක, රුපියල් 5 සහ රුපියල් 10 යන ඕනෑම මුහුණත වටිනාකමකින් යුක්ත කාසි 100යේ පැකට් රුපියල් 20,000ක උපරිමයකට යටත්ව මිලදී ගත හැකියි.
කාසි තොග වශයෙන් ලබා ගැනීමට අවශ්‍ය අය ඒ පිළිබදව මහබැංකුවේ ව්‍යවහාර මුදල් දෙපාර්තමේන්තුව වෙත දින දෙකකට පෙර ඉල්ලූම් කළ යුතුයි.
