ක්‍රිකට් නිළවරණයට අදාළ අභියාචනා කමිටුව පත් කිරීම සම්බන්ධයෙන් නීතිපති උපදෙස් ලබා ගැනීමට අපේක්ෂා කරන බව ක්‍රීඩා අමාත්‍යාංශය පවසනවා.
ශ්‍රී ලංකා ක්‍රිකට් නිළවරණය පෙබරවාරි 7 වන දා පැවැත්වීමටයි නියමිතව ඇත්තේ.
දැනට නිළවරණ කමිටුව වෙත ලබාදී ඇති නාම යෝජනා සම්බන්ධයෙන් වන විරෝධතා ජනවාරි 7 වනදා ඉදිරිපත් කළ හැකියි.
ඊට අදාළ විමර්ශන ලබන 11 වනදා සහ 12 වනදා යන දිනවලදී සිදුකෙරෙන බවයි ක්‍රිකට් නිළවරණ කමිටුවේ සභාපති ටී.ඩබ්ලිව්.ඩී.සී. ජයතිලක හිරු ප්‍රවෘත්ති අංශයට සඳහන් කළේ.
ඒ අනුව පිළිගත් අපේක්ෂක ලැයිස්තුව 14 වනදා ප්‍රකාශයට පත් කිරීමට නියමිතයි.
