මින්නේරිය ගිරිතලේ ස්වභාවික රක්ෂිතයට බැහැර කෙරෙන කසල ආහාරයට ගැනීමට පැමිණෙන වන අලින්ගේ ජීවිත අවදානම් තත්වයක පවතින බව ප්‍රදේශවාසීන් පෙන්වා දෙනවා.
ඇලහැර ප්‍රාදේශීය සභාව මගින් ඉවත දමන ආහාර ද ඇතුලු කසලවල නොදිරණ අපද්‍රව්‍ය ද පැවතීම හේතුවෙන් වන අලින් ඒවා ආහාරයට ගැනීම තුලින් එම සතුන්ගේ ජීවිත අවදානම් තත්වයේ පවතින බවයි ඔවුන් සඳහන් කරන්නේ.
මෙම කසල හේතුවෙන් වන සතුන් මෙන්ම ප්‍රදේශයේ පරිසරය ද විනාශ වීමේ තර්ජනයකට මුහුණදී ඇතැයි ප්‍රදේශවාසීන් පෙන්වා දෙනවා.
අප වාර්තාකරු සඳහන් කළේ දඹුල්ල බකමූණ ප්‍රධාන මාර්ගය දෙපස කලාපය පොලිතින් තොර කලාපයක් බවට ද ප්‍රදර්ශණය කර ඇති බවයි.
