කල්පිටිය නගරයේ රාත්‍රී කාලයේ ගාල් කර තිබූ බස් රථයක ඉන්ධන බව්සරයක් ගැටීමෙන් සිදුවී ඇති අනතුරකින් දෙදෙනෙකු ප්‍රතිකාර සදහා රෝහල් ගත කර ඇති බව කල්පිටිය පොලීසිය පවසනවා.
26 වැනිදා රාත්‍රී 12.30 ට පමණ මෙම අනතුර සිදුවී තිබෙනවා.
පුත්තලම ඩිපෝවට අයත් ලංගම බස් රථයක් රාත්‍රී කාලයේ කල්පිටිය නගරයේ ගාල් කර තිබෙන විට ඉන්ධන ප්‍රවාහනය කරමින් තිබූ බව්සරයක් බස් රථයේ පිටුපස ගැටී ඇති බව පොලීසිය පවසනවා.
ඒ සමගම ඉදිරියට ඇදී ගොස් ඇති බස් රථය විදුලි පහන් කණුවක ගැටී තිබෙනවා.
අනතුරින් ඉන්ධන බව්සරයේ රිය සහායකවරයා තුවාල ලබා ප්‍රතිකාර සදහා කල්පිටිය දිසා රෝහලට ඇතුළත් කර තිබෙනවා.
බස් රථයේ පිටුපස ආසනයේ නිදා සිටි කොන්දොස්තරවරයා අනතුරත් සමග කම්පනයට පත්ව ඇති බවද පොලීසිය පවසනවා.
ඉන්ධන බව්සරයේ රියදුරුට නින්ද යාම හේතුවෙන් මෙම අනතුර සිදුවන්නට ඇති බවයි පොලීසිය සඳහන් කළේ.
