කටුනායක ගුවන් තොටුපල වෙත පැමිණි ශ්‍රී ලන්කන් ගුවන් සේවයට අයත් ගුවන් යානය අයහපත් කාලගුණික තත්වය හේතුවෙන් මත්තල ගුවන් තොටුපලට ගොඩ බස්වා තිබෙනවා.
මෙම ගුවන් යානය බැංකොක් සිට පැමිණි ගුවන් යානයක්.
ඒ වනවිට ගුවන් තොටුපොළ අවට පැවති අයහපත් කාළගුණික තත්වය හේතුවෙන් එම ගුවන් යානය මත්තල ගුවන් තොටුපොළ වෙත යොමු කළ අතර එය සවස 5.40 ට ගොඩ බස්වා තිබුනා.
මෙම යානය ප්‍රංශයේ නිෂ්පාදිත A- 320 – 214 වර්ගයේ එයා බස් ගුවන් යානයක් වන අතර , එහි මගීන් 134 ක් සහ ගුවන් යානා කාර්යය මණ්ඩලය 09 ක් සිටි බවයි සඳහන් කළේ .
එම යානය යළිත් රාත්‍රී 6.30 ට මත්තල ගුවන් තොටුපොළෙන් කටුනායක ගුවන් තොටුපොළ බලා පිටත් වූ අතර, රාත්‍රී 6.55 ට කටුනායක ගුවන් තොටුපොළ වෙත ළඟා වී තිබෙනවා.
ඒ වනවිට කටුනායක ගුවන් තොටුපොළ අවට කාළගුණික තත්වය යහපත් අතට හැරී තිබු බව අප ගුවන්තොටුපල වාර්තාකරු කියාසිටියා.
