ඕස්ට්‍රේලියාවේ මෙල්බර්න් නුවර ජනප්‍රිය රාත්‍රී සමාජශාලාවකට අද අලූයම් කාලයේ සිදුකළ වෙඩි තැබීමකින් එක් අයෙකු මියගොස් තවත් තුන්දෙනෙකු තුවාල ලබා තිබෙනවා.
දෙමහල් සමාජශාලා ගොඩනැගිල්ල ඉදිරිපිට සිටි පිරිසකට මෙලෙස වෙඩි තබා ඇත්තේ මෝටර් රථයකින් පැමිණි කිසිවෙකු විසින්.
තුවාල ලැබූ හතරදෙනෙකු රෝහල් ගතකර ඇති අතර, ඉන් 37 හැවිරිදි පුද්ගලයෙකු පසුව ජීවිතක්ෂයට පත්වුණා.
තවත් අයෙකුගේ තත්ත්වය බරපතල බවයි පොලීසිය සඳහන් කළේ.
සිද්ධිය සම්බන්ධයෙන් මෙතෙක් කිසිවෙකු අත්අඩංගුවට ගෙන නොමැති අතර, පලාගිය මෝටර් රථය හඳුනාගැනීම සඳහා වික්ටෝරියා ප්‍රාන්ත පොලීසිය ජනතා සහය ඉල්ලා සිටියා.
