එක්සත් ජාතික පක්ෂයේ නව තනතුරු ලබන මස 06 වන දාට යෙදෙන මැයි දින රැළියේදී එළි දක්වන බව එම පක්ෂයේ පාර්ලිමේන්තු මන්ත්‍රී නලීන් බණ්ඩාර පවසනවා.
ඒ අනුව පුරප්පාඩු වූ පක්ෂයේ සභාපති, මහලේකම් සහ තවත් තනතුරු රැසක වෙනසක් සිදුවීමට නියමිතයි.
එමෙන්ම පක්ෂයේ උප නායක ධුරයන් හි වැඩිවීමක් සිදුවන අතර, මෙතෙක් නොතිබුණු උප සභාපති ධුරයන් කිහිපයක් ද පත් කිරීමට නියමිත බවයි එක්සත් ජාතික පක්ෂ දේශපාලන ආරංචි මාර්ග සඳහන් කළේ.
එමෙන්ම මේ සම්බන්ධයෙන් සාකච්ඡා කිරීම සඳහා එක්සත් ජාතික පක්ෂ ප්‍රතිසංවිධාන කටයුතු සඳහා පත්කළ විශේෂ දේශපාලන මණ්ඩලය ද අනිද්දා රැස්වීමට නියමිතයි.
