ශ්‍රේෂ්ඨාධිකරණයේ සහ අභියාචනාධිකරණයේ පුරප්පාඩු වී පවතින විනිශ්චයකාර ධූර පිළිබඳව අද රැස්වූ ආණ්ඩුක්‍රම ව්‍යවස්ථා සභාවේදී සාකච්ඡාවට ලක් වී තිබෙනවා.
එහිදී ශ්‍රේෂ්ඨාධිකරණය සඳහා ජනාධිපතිවරයා විසින් නිර්දේශ කළ නම් 04 ක් අතරින් දෙදෙනෙකු සඳහා ආණ්ඩුක්‍රම ව්‍යවස්ථා සභාවේ අනුමැතිය හිමි වූ බවයි කතානායක කාර්යාලය සඳහන් කළේ.
මීට අමතරව අභියාචනාධිකරණයේ විනිසුරු ධූර සඳහා ජනාධිපතිවරයා නිර්දේශ කරන ලද නම් හතරෙන් එකක් සඳහාද ආණ්ඩුක්‍රම ව්‍යවස්ථා සභාවේ අනුමැතිය හිමිව තිබෙනවා.
