පසුගිය මාර්තු 19 වනදා සිට ඉරානයේ ඇති වූ ජල ගැලීම් වලින් මියගිය සංඛ්‍යාව 76 දක්වා ඉහළ ගොස් තිබෙනවා.
ජල ගැල්ම ඉරානයේ ප්‍රාන්ත 25 ක ගම්මාන 4400 කට බලපා ඇති අතර, එහිදි සිදුවූ ආර්ථික හානිය ඇමරිකානු ඩොලර් බිලියන 2 යි දශම 2 ඉක්මවන බවයි විදෙස් වාර්තා සඳහන් කළේ.
රටේ විශාල ප්‍රමාණයක් ජල ගැල්මට ගොදුරු වී ඇති අතර කිලෝමීටර් 14,000 ක, මහා මාර්ග වලට හානි සිදුවී, පාලම් 725 ක් මුළුමනින්ම විනාශ වී තිබෙනවා.
ඉරාන කාලගුණ විද්‍යා අංශ ප්‍රකාශ කළේ මෙම ජල ගැලීම් වලට හේතුව ගෝලීය උණුසුම බවයි.
එමෙන්ම, ජල ගැලීම් හේතුවෙන් ඉරානයේ පසුගිය කාලය පුරා පැවති නියඟය අවසන් නොවන බව ද එමගින් අවධාරණය කළා.
