ඉන්දුනීසියාවේ සිදුවූ මගී ප්‍රවාහන යාත්‍රා අනතුරින් පුද්ගලයන් 190 කට වැඩි පිරිසක් අතුරුදන්වී ඇතැයි මේ වන විට අනාවරණ වී තිබෙනවා.
අතුරුදන්වුවන්ගේ ඥාතීන් චෝදනා කරන්නේ මගී ප්‍රවාහන යාත්‍රාවල මුලික ආරක්ෂක ක්‍රමවේ ද හෝ අනුගමනය කිරීමට රජය පියවර ගෙන නොමැති බවටයි.
මගීන් විශාල ප්‍රමාණයක් යාත්‍රාවේ රැගෙන යාම හේතුවෙන් එය ගිලී ගිය බවටයි අනාවරණ වී ඇත්තේ.
මගීන්ට අමතරව යතුරුපැදි විශාල සංඛ්‍යාවක් ද එම අවස්ථාවේ මෙම යාත්‍රාවේ රැගෙන යමින් තිබුනා.
මගීන් 43 දෙනෙකු පමණක් රැගෙන යා හැකි යාත්‍රාවක පුද්ගලයන් 190 කට වැඩි පිරිසක් රැගෙන යාම පිළිබඳ දැඩි චෝදනාවක් එල්ලවනවා.
එමෙන්ම යාත්‍රාවේ ඇත්තේ ද ආරක්ෂිත කබා 45 ක් පමණක් බව සඳහන්.
අනතුරින් මෙතෙක් බේරා ගැනීමට හැකියාව ලැබී ඇත්තේ 18 දෙනෙකු පමණයි.
පවතින අයහපත් කාලගුණික තත්වය හේතුවෙන් අතුරුදන් වුවන් සෙවීමේ මෙහෙයුම්වලට ද බාධා එල්ලවී තිබෙනවා.
යාත්‍රාව ගිලී යන විට තමන් ඉන් ඉවතට පැනගත් බවයි දිවි ගලවාගත් පිරිස් ප්‍රකාශකර ඇත්තේ.
