ආසියානු කුසලාන විස්සයි විස්ස කාන්තා ක්‍රිකට් තරඟාවලියේ තවත් තරඟයක් අද පැවැත්වුනේ ශ්‍රී ලංකා කාන්තා කණ්ඩායම සහ ඉන්දීය කාන්තා කණ්ඩායම අතරයි.
එහිදී ශ්‍රී ලංකා කාන්තා කණ්ඩායම පරාජය කරමින් ඉන්දීය කාන්තා කණ්ඩායම කඩුලු 7 කින් තරඟයේ ජය හිමිකරගත්තා.
ඒ අනුව මේ වනවිට ප්‍රසාද ලකුණු සටහනේ පෙරමුණේ පසුවන්නේ ඉන්දීය කාන්තා ක්‍රිකට් කණ්ඩායමයි.
ශ්‍රී ලංකාවට හිමිව ඇත්තේ එහි සිව්වන ස්ථානයයි.
අද පැවති තරඟයේ ප්‍රථමයෙන් පන්දුවට පහරදුන් ශ්‍රී ලංකා කණ්ඩායම පන්දුවාර 20 අවසානයේ කඩුලු 7 ක් දැවී රැස්කරගත්තේ ලකුණු 107 ක් පමණයි.
එහිදී හතරේ පහර 4 ක් සමඟින් නොදැවී ලකුණු 46 ක් රැස්කරමින් කණ්ඩායම ඔසවා තැබීමට හසිනි පෙරේරා සමත් වූවා.
යශෝදා මෙන්ඩිස් ලකුණු 27 යි.
පන්දුවට පහරදුන් ඉතිරි ක්‍රීඩිකාවන් සියලුදෙනා ලකුණු 10 සීමාව ඉක්මවා යාමට පෙර නැවත ක්‍රීඩාගාරයට හරවා යැවීමට ඉන්දීය ක්‍රීඩිකාවන් සමත් වූවා.
එහිදී බොහෝදෙනෙකුගේ අවධානය යොමුවූයේ ඉන්දීය දඟ පන්දු යැවූ ක්‍රීඩිකාවන් වෙතයි.
අගනා පන්දු යැවීමක නිරතවූ ඉන්දීය ක්‍රීඩිකාවන්ගෙන් ලකුණක් සොරාගැනීමට ශ්‍රී ලංකා ක්‍රීඩිකාවන්ට දැඩි පරිශ්‍රමයක් දැරීමට සිදුවූවා.
පිළිතුරු ඉනිම ක්‍රීඩා කළ ඉන්දීය කණ්ඩායම පන්දු වාර 18 යි පන්දු 5 කදී කඩුලු 3 ක් පමණක් දැවී සිය ජයග්‍රාහී ඉලක්කය පසුකර ගියා.
පිතිකරණයෙන් මෙන්ම පන්දු යැවීමෙන් සාර්ථක වූ Anuja Patil අද තරඟයේ ක්‍රීඩිකාව වූවා.
එම තරඟයේ සම්පූර්ණ ලකුණු සටහන පහතින්.
