ඇෆ්ගනිස්ථානයේ වර්ඩක් ප්‍රාන්තයේ හමුදා මූලස්ථානයකට ඊයේ එල්ල වූ තලෙයිබාන් ප්‍රහාරයකින් සෙබළුන් 126 දෙනෙකු ජීවිතක්ෂයට පත්වුණා.
හමුදා පුහුණු මධ්‍යස්ථානයක් මෙහි පිහිටා තිබූ අතර, විශේෂ පුහුණුව ලැබූ කමාන්ඩෝ භටයන් 8 දෙනෙකු ද එලෙස මිය ගොස් ඇති බව ඇෆ්ගන් ආරක්ෂක අංශ සඳහන් කළා.
පුපුරණ ද්‍රව්‍ය පැටවූ මෝටර් රථයක් කඳවුරේ මුරපොළ ආසන්නයේ පුපුරුවා, ඉන් අනතුරුව තවත් එවැනි රථයක් කඳවුර තුළ ද පිපිරීමට ලක් කර ඇති බවයි වාර්තා වන්නේ.
පිපිරීමත් සමඟ කඳවුරට කඩා වැදුණු සන්නද්ධ තලෙයිබාන් සාමාජිකයන් සෙබළුන් රැසක් වෙඩි තබා ඝාතනය කර තිබෙනවා.
