විස්සයි විස්ස ජාත්‍යන්තර තරගවලදී නව ලෝක වාර්තාවක් පිහිටුවීමට ඇෆ්ගනිස්ථානය ඊයේ සමත්වුණා.
ඒ, ඉන්දියාවේ දෙහෙරා – දුන් හිදී අයර්ලන්තයට එරෙහිව ඊයේ පැවති විස්සයි විස්ස ජාත්‍යන්තර තරගයේදියි.
එහිදී ඇෆ්ගනිස්ථානය සිය පන්දු වාර විස්ස තුළදී කඩුලූ 3 ක් දැවී ලකුණු 278 ක් රැස් කිරීමට සමත්වුණා.
හස්රතුල්ලා සසායි එහිදී පන්දු 62 කට මුහුණදෙමින් ලකුණු 162 ක් නොදැවී ලබාගත් අතර, ඊට ඇතුළත් හයේ පහර දහසය, විස්සයි විස්ස ජාත්‍යන්තර තරගයකදී ලබාගත් වැඩිම හයේ පහර සංඛ්‍යාව ලෙස වාර්තා පොතට එක්වනවා.
එමෙන්ම එය විස්සයි විස්ස ජාත්‍යන්තර තරගයකදී ක්‍රීඩකයෙකු ලැබූ දෙවන ඉහළතම ලකුණු සංඛ්‍යාවයි.
ඊයේ පැවති තරගයේදී අයර්ලන්තය සිය පන්දු වාර විස්ස තුළ කඩුලූ 6 ක් දැවී ලකුණු 194 ක් රැස් කළ අතර, ඇෆ්ගනිස්ථානයට ලකුණු 84 ක ජයක් අත්වුණා.
